Calasanz e un llugá chico 
y está mol mal situat, 
de puro fiero é bonico 
y paréis que está penchat.

Las casas mol ronigadas 
posé tienen dos mil ans! 
com están tan foradadas 
ye crían els torrodans.

No digam que siga rico, 
pero pobre tampoc l'é, 
lo que está mes abundante 
son las pedras p'els carrés.

Els güertos y els Ilavadós 
están a tres cuartos d'hora 
y pa llavá un mocadó 
caminan molto las donas.

La fon está mol alluén, 
pero é un aigua mol bona, 
pa no cansase la chen 
els pobres somés la portan.

Per Alto ya tot son serras 
de terra mol poca ñá, 
y coma e tan costosa 
no la quieren treballá.

Ya sén cuidan els pastós 
no ñá que pasan-e- pena, 
per agón no pasa el parell 
ye pasan crabas y ovellas.

Els jabalíns se divierten, 
tamé conills y perdius, 
!suerte tenim dels pastós 
que lis desfán els nius!

Tenim un aigua mol bona 
allá bais a Foncalén, 
que si estás a Barcelona 
curaría molta chen.

Tamé tenim unas minas 
de ferri y de manganeso 
que si estasen a Bilbau 
acudirían al peso.

Pero ¿que i farem? pacencia, 
no las podem espllotá 
pues Labastida de Huesca 
casi se i va arruiná.

Tením un avall mol majo 
que li diuen de la Ganza
y ña una Virgen mol bonica, 
no mes que no é guaire alta.

Pero toz la querim molto; 
cuan la van entronizá 
la van llevá en provesó 
ananye tot el llugá.

Fa mes d'ochocientos ans 
que el rey don Pedro primero 
va ganá allí una batalla 
y va dixá aquell recuerdo.

Cuan la guerra el trenta y sis 
al foc mo la van tirá 
y ha comprau unatra imagen 
un vecino del llugá.

Coma me agrada fe versos 
li n'he feito un bon puyal 
perque sé que toz la quieren 
desde el mes chico al mes gran.

Li van fe un altá mol majo 
con els camals dels ciprés 
pero n'en de comprá un atro 
que n'estiga molto mes,

y lis he de di una cosa 
als llugás del rededó: 
cuan viengan porten alforcha y
que i posen tamé filos,

vino ya lis ne darem, 
d'aigua a la baseta ña, 
las fllos sirán pa la Virgen 
pa adornali ben I'altá;

y ya los ye digo a toz: 
Alins, Peralta y Gabasa, 
cuan viengan que porten flos 
pa la Virgen de la Ganza.