Antonia Sopena Laplana, yaya Chias

Per sé la testa mayó
el día San Cipriano
el van llevá en provesó
posanse la chen mol majos

Y !siento molto una cosa!:
que yo no i vay podre aná,
me vay tindre que está a casa
pa femos un bon disná.

Y cuan vay sentí la música
me vay asumá al balcó
pa ver a San Cipriano
y toda la provesó

!!Qué lin anaba de chen
y toz qué majos que anaban! !...
Contenz llevaban els mozos
las banderas y peainas.

Mosen Miguel de Zanuy
per sé el capellá efectivo
va estrená una maja capa
que van fe de un donativo.

Mosen Ramón de Monzó
y toda su escolanía
cantaban tan ben y majo
que apllenaban de alegría.

Cuan vay ver San Cipriano
ya me vay posá a pllorá
de alegria, perque é
el patró de este llugá.

E una ímagen mol bonica;
coma está tan ben sacada
y tiene la cara tan mística,
paréis que se cala al alma.

E un precioso donativo
de don Pedro Riverola
y doña Matilde Pastor,
que vienen de Barcelona.

El padre Abadal va vindre
las vísperas de la festa
per está un poco entre natros
ya que a Calasanz l'aprecia.

Y se mos va despedí,
posé pa no torná mes,
y esto len de sentí molto
perque n'estam mol contenz,

pero sí que he sentiu dí
que ñaveba molta chen
dels llugás del rededó
y tamé de més alluén.

Las mozas mol elegantes
els mozos mol ben vestiz,
me penso que en estes días
Calasanz eba París.

Mos feba un tiempo mol bueno
ni feba fret ni caló,
ni feba falta pañuelo
pa ixugase la sudó.

Me penso que el forastés
ya van quedá convidaz
p'al an que vien, si Dios quiere,
pero !que viengan disnaz!

Otra cosa son las trompas
que no pas els bombardeos!
Se viu milló con la paz
que no con tanto jaleo.